Журналисттер менен жолугушууда Алмазбек Атамбаев дүйнөдө орус адабиятындай бай адабият жок экенин айтты

“Дүйнө жүзүндө орус элинин адабиятындай бай адабият бир дагы элде кездешпейт”,- деди президент Алмазбек Атамбаев 21-майда “Ала-Арча” мамлекеттик резиденциясында КМШ, Балтика, Грузия мамлекеттеринин башкы редакторлор клубунун өкүлдөрү менен жолугушуусунда. Айтымында, орус тили эл аралык деңгээлдеги тил. “Бул бирөөлөргө жагабы же жокпу, бирок орус тили эл аралык тил. Учурда кээ бир тилдер жоголуп кетүү коркунучунда турат, мындай тилдерди коргоо зарыл, бирок орус тили коргоого муктаж эмес. Башка элдер таарынбасын, бирок орус тилиндегидей бай адабият башка элдерде жок”,- деди өлкө башчы.