Альпы чокусундагы альпинистти куткарып жаткан тик учак кулап кетти

Австриянын Гросглоккнер тоолорундагы Альпы чокусуна чыгып, ал жерден өзүн жаман сезип жаткан альпинистти куткаруу учурунда куткаруучу тик учак кулап кетти. Daily Telegraph агенттигинин маалыматына ылайык, ага жакын жерде турган дагы бир альпинист куткаруу учурун видеого тартып жаткан.

Куткаруучу тик учакка альпинистти киргизгенден кийин, учкуч башкаруусун жоготкон. Тик учак куткаруучуну сүзүп кулатууга аз гана аралык калганын видеодон байкоого болот. Андан кийин тик учак жарга тийип, жарылып кеткен.

"Өзгөчө кырдаалдан эч ким олуттуу жаракат алган эмес. Медициналык кызматкер денесинен жеңил жаракат алган. Куткаруучу топту жана альпинистти башка тик учак менен алып кетишкен. Ал эми сынган тик учактын бөлүктөрүн экспертиза үчүн топтоп кетишкен", - деп жазылат маалыматта.