Аптаптуу Европада зоопарктагы жаныбарлар "балмуздак" жеп, жан сакташууда

Римдеги зоопарктын кызматкерлери аптаптуу ысыкта жаныбарларга жардам берүү максатында тамактарын тоңдуруп беришүүдө. Бул тууралуу чет элдик басылмалар кабарлашууда.

Алар жолборсторго эттин кесимдери менен муз беришсе, чөп жечүлөргө жемиштер, ал эми тюлендерге балыктары менен беришет. Учурда аба ырайынын температурасы жогору болгондуктан Европада 10 өлкөдө жогорку деңгээлдеги кооптуулук жарыяланган.

Айрым аймактарда термометр 40 градустан ашык көрсөткүчтү көрсөтүп жатканы кабарланууда.