Алмазбек Атамбаев: "Владимир Жириновскийдин сөзүнөн Кыргызстанды кемсинте турган эч нерсе көргөн жокмун"

"Владимир Жириновскийдин сөзүнөн Кыргызстанды кемсинте турган эч нерсени көргөн жокмун". Мындай сөздү мамлекет башчы Алмазбек Атамбаев 21-майда журналисттер менен болгон жолугушууда айтты. “Жириновский кийинчерээк өз оюнда эмнени айткысы келгенин билдирген башка интервью бербедиби. Биз чымындан пил жасаганды жакшы көрөбүз. А чындыгында ал Ысык-Көлдүн жаратылышына суктануу менен карап келет”,- деди Атамбаев. Ошондой эле мамлекеттик карыздарды сөзсүз түрдө кайтаруу керектигин кошумчалады өлкө башчы.