Кыргыз балбандары күрөш боюнча жаштар арасындагы Дүйнө чемпиондугунда жалпы командалык эсепте 5-орунду ээлешти

Финляндиянын Тампере шаарында 1-6-август аралыгында өткөн күрөш боюнча жаштар арасындагы Дүйнө чемпиондугунда Кыргыз курама командасы жалпы командалык эсепте 5-орунга ээ болду. Бул тууралуу мелдештин расмий сайты маалымдайт.

Маалыматка ылайык, күрөш боюнча Кыргыз курама командасы жалпы командалык эсепте 28 упай топтоп 5-орунду ээледи. Кыргыз балбандар Дүйнө чемпиондугунда грек-рим күрөшү боюнча Акжол Махмудов, Жоламан Шаршенбеков жана Роман Ким күмүш медалдарын, эркин күрөш боюнча Акбар Кенжебек уулу коло медалын жана кыздар арасындагы мелдеште Айпери Медет кызы алтын медаль, Мээрим Жуманазарова коло медалын жеңип алышты.

Жалпы командалык эсептин сап башындагы курама командалар:

1-орун: Иран курама командасы - 58 упай;

2-орун: Орусия курама командасы - 53 упай;

3-орун: Түркия курама командасы - 38 упай;

4-орун: АКШ курама командасы - 29 упай;

5-орун: Кыргыз курама командасы - 28 упай.

Кыргыз курама командасынын артында Финляндия, Украина, Азербайжан, Өзбекстан, Армения, Грузия, Индия, Япония, Кытай, Беларусь, Германия, Румыния, Египет, Польша жана Молдова курама командалары жайгашты.