Бүгүн, 12-августтан 13-августка караган түнү жылдыздардын жаашын көрүүгө болот. Бул убакытта жакшы ойлорду ойлоо керек

Эл аралык метеорологиялык уюмунун маалыматына ылайык, бүгүн, 12-августтан 13-августка караган түнү асманда саатына 100дөй метеоритти көрүү мүмкүн.

Жыл сайын 23-июлдан 20-августка чейин Жер Свифт-Таттл кометасынын бөлүктөрү жана чаңдары аркылуу өтөт. Дал ошол чаңдардын майдалары жер атмосферасына кирип, күйүп кетет. Жердегилерге жылдыздар жаагандай көрүнөт. Бул кубулуш Жердин түндүк жарым шарына гана көрүнөт.

Метеорлор биздин планетанын орбитасына 100-120 чакырым бийиктиктен киришет да, бир нече секундага жетпей өрттөнүп кетишет. Свифт-Таттл кометасы Персей топ жылдыздарына жакын жайгашкандыктан, анын метеорлору Персеиддер деп аталган.

Тилекке каршы, чоң шаарлардын тургундары мындай кооз көрүнүшкө күбө боло алышпайт, себеби метеорлордун күйгөнүн шаардын жарыктары көрсөтпөйт. Астрологдор шаардан алыс жакка барып көрүү мүмкүн экенин айтышат.

"Бул убакыт аралыгында ар бир сөзүңүздү ойлонуп сүйлөп, жакшы ойлорду гана ойлоо керек. Себеби жылдыздардын жаашы сиз сүйлөгөн сөздү же ойлогон оюңузду ишке ашырып коюшу мүмкүн", - деп жазылат жылдыз төлгөсүндө.