СУПЕРСТАН: "Жигиттер кайсы учурда жагымдуу көрүнүшөт?"

SUPER.KG порталынын "Суперстан" бөлүмүндө көпчүлүк учурда аялзатына тиешелүү темалар басымдуулук кылып, активдүү талкууланып келет. Бул жолу колдонуучулар "Жигиттер кайсы учурда жагымдуу көрүнүшөт?" деген теманы талкууга алышты.

Темадагы билдирүүлөрдөн:

"Мага жигиттердин бала (наристе) карап, аны эркелетип, ойнотуп жаткан учуру жагымдуу көрүнөт. Суктанып эле карап тургуң келет. Анан да футбол, волейбол жана башка спорт оюндарын ойноп жаткан учурунда жигиттер өзгөчө "сексуалдуу" көрүнүшөт".

"Уктап жатканы жагат, жинине тийип ойготуп салам. Тренировкадан келген кези жагат, булчуңдары чыңалып, сонун көрүнөт. Үйдө тамак жасаганы да жагат".

"Өзүн таза, тыкан алып жүргөн, көптү билген, дүйнөгө болгон көз карашы терең мырзалар эл алдында орундуу сүйлөп жатса, жагымдуу көрүнөт. Рулдагы мырзаларга көңүл бурбайт экенмин. Машина айдаса, айдабаса мага айырмасы жок. Катуу айдагандарды тобо, аман болсун деп жакамды кармайм".

"Эркекке тиешелүү сүрү бар, энергиясы ашып-ташыганы билинип турган, көзүндө жалыны бар, эч нерседен тайманбаганы сыртынан көрүнүп турган, жасалма эмес, эркектей болгон мырзалар көзүмө жагымдуу көрүнөт".

Талкууга кошулгуңуз келсе, бул жакка кириңиз.