Испаниялык "Реал Мадрид" клубу УЕФАнын Суперкубогун утуп алды

Бүгүн, 9-августка караган түнү Македониянын Скопье шаарында УЕФАнын Суперкубогу үчүн өткөн беттеште испаниялык "Реал Мадрид" менен англиялык "Манчестер Юнайтед" туш келип, "Реал Мадрид" 2:1 эсебинде жеңишке жетти.

Оюн курч мүнөздө башталды. 24-мүнөттө Каземиро эсепти ачканга мүмкүнчүлүк алды. Экинчи таймды "Реал" мыкты өткөрдү. 52-мүнөттө Гарет Бейлдин чыгарып берүүсүнөн кийин Иско эсепти 2:0 кылды. "Манчестер Юнайтед" 62-мүнөттө Ромелу Лукакунун голу менен жооп кайтарды.

Мадриддик клуб өз тарыхында төртүнчү жолу УЕФАнын Суперкубогун жеңип алды.

"Реал Мадрид" - "Манчестер Юнайтед" 2:1

Голдор: Каземиро (24-мүнөт), Иско (52-мүнөт) - Ромелу Лукаку (62-мүнөт)

Калыс: Жанлука Рокки (Италия).