Мык менен жипти колдонуп сүрөт тарткан Кыргыз сүрөтчүсү Монголиянын президенти менен жолугуп, президенттин портретин берди

Мык менен жипти колдонуп сүрөт тарткан Кыргыз сүрөтчүсү Азамат Жаналиев Монголиянын президенти Халтмаагийн Баттулга менен жолугуп, президенттин портретин берди. Бул тууралуу ал интернеттеги өздүк баракчасына жазды.

Жолугушуу Монголиянын борбору Улан-Батор шаарында болгон. Президент ыраазычылык иретинде колодон жасалган аскердин скульптурасын, Монголиянын "Гиннесс китебин" жана өзүнүн колу коюлган сүрөттү белекке берген.

Айта кетсек, Жаналиев залкар жазуучу Чыңгыз Айтматов, президент Алмазбек Атамбаев, Орусиянын президенти Владимир Путиндин сүрөттөрүн тарткан.