Казакстан Кыргызга гуманитардык жардам берет

Казакстан Кыргызга гуманитардык жардам берерин кечээ, 13-августта Казакстан Республикасынын Премьер-министри Бакытжан Сагинтаев Кыргыз Республикасынын Премьер-министри Сооронбай Жээнбеков менен жолукканда билдирди.

Казакстан Республикасынын Премьер-министри Бакытжан Сагинтаев эки тараптуу актуалдуу маселелерди чечүү үчүн эки тарап тең түшүнүү менен мамиле жасап, алдыга жылууга кызыкдар экенин билдирди.

"Казакстан ортосунда эки элдин кызыкчылыгы үчүн бардык маселелерди чечүүгө түшүнүү менен мамиле жасап, аны аткарууга кызыкдар. Бул баарынан маанилүү. Кыргыз тарап аймагындагы курорттук зоналарга эч кандай тоскоолдуксуз туристтерди өткөрүүгө бардык шарттарды түзгөндүгү абдан жагымдуу. Жакын арада тараптар "Ак-Тилек – автодорожный" жана "Кара-Суу" көзөмөл өткөрүү пункттарын бириктирген көпүрөнү каржылоону баштайт. Ошондой эле жакында "Кең-Булуң – автодорожный" жана "Токмок – автодорожный" көзөмөл өткөрүү пункттары көп тармактуу болуп статусу өзгөрүлөт. Мындан сырткары тараптар ортосунда мамлекеттик чек араны тактоо жана аныктоо боюнча келишимдин долбоору талкууланып бүттү. Ага жакын арада кол коюу пландалууда. Эки элдин бир туугандык, достук мамилесин эске алуу менен, биз жакын арада Кыргыз Республикасынын түштүк тарабында болгон жаратылыш кырсыгынан жабыркагандарга курулуш материалдарын гуманитардык жардам катары жөнөткөнү турабыз, - деген Бакытжан Сагинтаев.

Сооронбай Жээнбеков биздин өлкөнүн ЕврАзЭС курамына кирүүсүнө байланыштуу техникалык жардам көрсөтүү катары 100 миллион АКШ долларын бөлүү боюнча макулдашууну ратификациялагандыгы үчүн Казакстан тарапка ыраазычылык билдирип, Астана шаарында эл аралык адистештирилген "ЭКСПО-2017" көргөзмөсүн ийгиликтүү өткөрүүсү менен куттуктады.