Бокс боюнча КРнын жаштар курама командасы Дүйнө чемпиондугуна даярданышууда

Бокс боюнча Кыргызстандын жаштар курама командасы Дүйнө чемпиондугуна катышууга даярданууда. Бул тууралуу Мамлекеттик дене тарбия жана спорт агенттигинин басма сөз кызматы билдирди. Айта кетсек, 8-23-июнь күндөрү Ысык-Көл облусунун Каракол шаарына 7 боксчу, машыктыруучусу Кенжебек Акылбаев менен барып машыгууларды өткөрөт. “Курама команданын мушкерлери машыгуудан мурун Кара-Балта шаарындагы мелдешке катышат. Андан соң Казакстанда өтүүчү эл аралык мелдешке аттанат”,- деди Акылбаев. Ал эми бокс боюнча Дүйнө чемпиондугу 17-25-август күндөрү Украинанын Киев шаарында өтмөкчү.