Алмаз Кожомкулов: "ЖКнын Иш башкармалыгына тиешелүү 36 батир бар"

Учурда Жогорку Кеңештин Иш башкармалыгына тиешелүү 36 батир бар экендигин аталган башкармалыктын жетекчиси Алмаз Кожомкулов бүгүн, 22-майда маалымат жыйында билдирди. Айтымында, депутаттарга үй берүүнү депутаттык комиссия гана чечет. “Учурда ал батирлердин баарында депутаттар жашап жатышат. Депутаттык комиссиянын чечими менен шаарда турак жайы жок, аймактардан келген депутаттарга гана батир берилет. Ал эми ижарага батир алуу үчүн ЖКнын бюджетинен компенсация бөлүнбөйт”,- деди ал.