Супер-Инфо
super.kg видео
Текебаев акыркы сөзүн сүйлөдү. Сот кеңешме бөлмөсүнө кирип кетти
Бүгүн, 16-августта Жогорку Кеңештеги “Ата Мекен” фракциясынын лидери Өмүрбек Текебаевдин жана мурдагы элчи Дүйшөнкул Чотоновдун үстүнөн козголгон кылмыш иши боюнча соттук отурум уланды. Айыпталып жаткан Өмүрбек Текебаев акыркы сөзүн сүйлөдү.
“Мекендештериме, мага ишенгендерге, жардам берем дегендерге терең ыраазычылык билдирем. 2010-жылдагы Убактылуу өкмөттүн 14 мүчөсүнүн 11и мени колдоду. Атамбаевден башкасынын баары мени колдоду. Атамбаевдин жанындагылар да ал кеткенден кийин бизди колдойт. Мен буга толук ишенем. Тарыхка адам баатырдык жана чечкиндүүлүк менен кирет”, - деди сотто Текебаев.
Андан соң ал сотко кайрылып: “Сот реформасы үчүн президенттин саясий эрки, Жогорку Кеңештин, өкмөттүн колдоосу керек. Бирок соттун абийири да маанилүү экен. Адилетсиздикке каршы тура ала турган, принципиалдуу 600 соттун ичинде 10у чыгышы керек да. Мына ушундай өзгөртүү жасай турган мүмкүнчүлүк сиздин алдыңызда турат. Сот системи кандай абалда экени ушул соттон кийин билинет. Ушул процесстерден кийин сиздин кандай сот экениңизди аялыңыз, балдарыңыз жана бүтүндөй кыргыз эли билет. Сөзүмдүн акырында айтарым, бул иш жасалма, жалган жалаа. Биз, Дүйшөнкул экөөбүз жактоочулардын жардамы менен ак экенибизди далилдедик”, - деп айтты Текебаев.
Акыркы сөз бүтүп, сот чечим чыгаруу үчүн кеңешме бөлмөсүнө кетти. Буга байланыштуу тыныгуу жарыяланып, соттун катышуучулары сыртка чыгарылды.
0
Бийликтин ХХХХ бироо экенин корунуп турат
Менде да бир доске бар, интернетте отуруп алып бирөөнү жамандаганды жакшы билет. Айлыгы жакшы жумуш болсо айтып койчу деди эле. Акүйдүн шестеркасы деген контора кайда экенин таппай жүрсө керек))