Кыргызстанда жыл сайын 800 миң тоннадай жашылча-жемиш өндүрүлөт

“Кыргызстанда жыл сайын 800 миң тоннага жакын жашылча-жемиш өндүрүлөт”,- деп билдирди Айыл чарба жана мелиорация министри Чыңгысбек Узакбаев бүгүн, 22-майда Бишкекте өткөн айыл чарба форумунда. Айтымында, өлкөдө жашылча өсүмдүгүнүн 20дан ашык түрү өстүрүлөт. “Бүгүнкү күндө өлкөдө өндүрүлгөн жашылчанын 10 пайызы гана кайрадан иштетилет. Калганы чийки түрүндө экспорттолууда",- дейт министр. Жыл сайын Кыргызстанда өндүрүлгөн этке болгон суроо-талап өсүп, учурда эттин негизги бөлүгү Ооганстан, Казакстан жана Иранга экспорттолуп жатканын кошумчалады ал.