Украинада үйүндө 17 мышык баккан аял аларга бардык шарттарды түзүп берген

Украинанын Полтава шаарынын Ольга Александрова аттуу жашоочусу үйүндө мейн-кун тукумундагы 17 мышыкты багат. Эң биринчи мышыгын ал мындан 5 жыл мурун Польшадан алып келгендигин жергиликтүү маалымат каражаттарына айтып берген.

Ольга Александрованын айтымында, Польшадан алынып келинген мышыкка көп өтпөй шерик алып келип беришкен. Мындай көп мышыкты багууга анын курбусу жардамдашат. Мышыктар ал жашаган эле үйдө багылганы менен, жаныбарлар үчүн бардык шарттар түзүлгөн. Ал тургай мышыктардын тууй турган атайын жерлери да даярдалган.

"Мышыктар тууганда кыйналбасын деп атайын жайларды даярдаганбыз. Бул жерде жаңы тууган эне мышык менен анын балдарына башка мышыктар тийишпеш үчүн тосуп койгонбуз. Мейн-кундар эркелегенди, сылап-сыйпаганды абдан жактырышат, сага көңүл буруп, сенин көңүл бурууңду да талап кылат. Албетте, мен буларды колума көпкө көтөрүп жүрө албайм, анткени алардын эң чоңунун салмагы 5 килограммга жетет жана менде арык мышык жок", - дейт Александрова.