Орусиялык ырчы Нюша турмушка чыкканын расмий тастыктады

Буга чейин орусиялык ырчы Нюшанын турмушка чыкканы, жадакалса кош бойлуу экени тууралуу ушак кептер айтылып келген эле. Бул сөздөргө чекит коюуну туура көргөн ырчы турмушка чыкканын бүгүн, 21-августта өздүк баракчасы аркылуу расмий тастыктады.

"Мен турмушка чыкканымды расмий билдирем. Жеке жашоом жөнүндө эч качан айтпагандыктан бул окуяны да кылдат жашырып келдим. Эми айтууга убакыт келди", - деген Нюша фотосессия учурунда жолдошу менен түшкөн сүрөтүн жүктөгөн.

Ал эми ырчынын жолдошу - Орусиянын Эл аралык студенттик спорт федерациясынын башкы кеңешчиси, 37 жаштагы Игорь Сивов.

Эске сала кетсек, июнь айында Нюша турмушка чыгууга кызуу камданып жатканы жана үлпөт тоюн Мальдив аралдарында өткөрөрү, ал жакта эки жаштын жакын адамдарынын гана коштоосунда өтөрү айтылып келген.