Алмазбек Атамбаев АКШнын президенти Барак Обамага Оклахома штатында болгон торнадого байланыштуу көңүл айтты

Бүгүн, 22-майда президент Алмазбек Атамбаев АКШнын президенти Барак Обамага Оклахома штатында болгон торнадого байланыштуу көңүл айтты. Бул тууралуу президенттик аппараттын маалыматтык саясат бөлүмү билдирди. Көңүл айтууда президент Оклахома штатында болгон кыйроого алып келген торнадо тууралуу кабарды кайгыруу менен кабыл алганын айтып, жакындарын жоготкондорго терең көңүл айтуусун жеткирип коюуну өтүнүп, окуядан жабыр тарткандардын тезирээк айыгып кетүүсүн тилей турганын билдирген.