Супер-Инфо
super.kg видео
"Боко харам" радикалдык уюму жарым жылдын ичинде 83 баланы жардырууга пайдаланган
Ушул жылдын биринчи жарымында "Боко харам" радикалдык тобунун согушкерлери теракт жүргүзүү үчүн 83 баланы пайдаланган. Бул көрсөткүч өткөн жылдарга караганда 4 эсеге жогору экендигин Life.ru сайты ЮНИСЕФтин маалыматына таянуу менен жазып чыккан.
Маалыматта айтылгандай, террористтердин балдарды ар кандай согуштук аракеттерге пайдалануусунун дагы башка кесепеттери бар.
"Туткундан куткарылган же "Боко харамдан" качып кеткен балдар кайрадан эч качан коомго аралаша албайт. Анткени алар кайра өздөрү мурда жашаган жерге келгенде аларды коом кабыл албай, бөлүп, аны коркунучтуу адам катары көрүшөт. Балдар туткундан кийин да чоң азап тартат. Жардыруулардын бирине топтун согушкерлери кичинекей кыздын колуна мина коюлган ымыркайды карматып жөнөтүшкөн", - деген БУУнун балдар фондунун маалымат катчысы Марикси Меркадо.
"Боко харам" - нигериялык радикалдык уюм. Уюмдун максаты - Нигериянын бардык аймагына шариат принциптерин жайылтып, батыштын жашоо образын жок кылуу.
Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.
Рубрикадагы соңку кабарлар
22:57
2025-07-15
Рейтинг: 
0
0
Абубакар Шекау Азыркы лидер "Боко харам"