Көк бөрү: Бүгүн Кыргыз улакчылары Тажик курамасы менен оюн өткөрүшөт (жадыбал)

Казакстандын Астана шаарында 21-27-август аралыгында көк бөрү боюнча өтүп жаткан Дүйнө чемпиондугунда бүгүн, 24-августта Кыргыз курама командасы Тажикстан улакчылары менен күч сынашат.

4-тур: Кыргыз курама командасы - Тажикстан курама командасы.

Башталышы: Бишкек сааты боюнча 15:00.

Маалымдай кетсек, Кыргыз курама командасы 3 турдун жыйынтыгында 3 жеңиш менен алдыда келе жатат. Кыргыздар 21-август күнү Монголия курамасы менен улак тартышып 4:0 эсебинде, 22-августта Өзбекстан оюнчуларын 11:2, 23-августта Түркия курамасын 13:3 эсебинде утуп, жеңишке жеткен.

Аталган мелдеште Азербайжан курамасы катышпай калгандыктан жалпы 11 курама команда катышып 2 тайпага бөлүнгөн. Кыргыз оюнчулары "А" тайпасына туш келип, Өзбекстан, Түркия, Монголия менен беттешти. Эми Тажикстан жана АКШ курамалары менен кез келет.

3 турдун жыйынтыгында "А" тайпасынын турнирдик жадыбалында Кыргыз курамасы лидер болуп алдыда келе жатат. Ал эми "В" тайпасынын сап башында үй ээлери Казакстан курамасы турат.

"А" тайпасы:

Кыргыз курама командасы — 9 упай;

Тажикстан курама командасы — 9 упай;

Монголия курама командасы — 6 упай;

Түркия курама командасы — 3 упай;

Өзбекстан жана АКШ курама командалары — 0.

"В" тайпасы:

Казакстан курама командасы — 9 упай;

Кытай курама командасы — 6 упай;

Орусия курама командасы — 3 упай;

Венгрия курама командасы — 3 упай;

Ооганстан курама командасы — 3 упай.