Жаңы өкмөткө кимдер келет? (болжолдуу тизме)

Жаңы өкмөткө президенттик аппараттан 2 адам келмекчи. SUPER.KG порталына Ак Үйдөгү булактар билдиришкендей, өкмөттүн курамында төмөнкү өзгөрүүлөр күтүлүп жатат.

Премьер-министр Сапар Исаков (учурда президенттик аппараттын башчысы);

Биринчи вице-премьер-министр Толкунбек Абдыгулов (учурда Улуттук банктын төрагасы);

Экономика маселелери боюнча вице-премьер-министр Дүйшөнбек Зилалиев (учурда Өнөр жай, энергетика жана кен байлыктарын пайдалануу боюнча комитеттин төрагасы);

Чек ара маселелери боюнча вице-премьер-министр Темир Жумакадыров (учурда Коопсуздук кеңешинин төрагасы);

Экономика министри Артем Новиков (учурда президенттик аппараттын финансы-экономикалык талдоо жана өнүгүүгө мониторинг жүргүзүү бөлүмүнүн жетекчиси);

Каржы министри Мухаммедкалый Абылгазиев (учурда премьер-министрдин милдетин аткаруучу, буга чейин биринчи вице-премьер-министр болгон);

Байланыш агенттигинин башчысы Нурбек Абасканов (учурда Улуттук энергетикалык холдингдин башчысынын орун басары);

Өнөр жай, энергетика жана кен байлыктарын пайдалануу боюнча комитеттин төрагасы Уланбек Рыскулов (учурда ушул мекеменин төрагасынын орун басары).

Ал эми калган министрликтерде жана мамлекеттик мекемелерде өзгөрүүлөр күтүлгөн жок.