Иса Өмүркулов КСДП эмне үчүн Сапар Исаковду премьер-министрликке сунуштап жатканын түшүндүрдү

Бүгүн, 24-августта Жогорку Кеңештин КСДП фракциясынын жыйыны аяктады. Анда өкмөттүн жаңы курамын түзүү маселеси каралды. Фракция лидери Иса Өмүркулов эмне үчүн КСДП Сапар Исаковду премьер-министрликке колдой турганын айтып берди.

"Мезгилдин талабы ушундай болуп жатат. Көп суроолор, сунуштар, программалар бар. Президенттикке талапкерлер да муну айтып жатышат. КСДП өкмөт башчылыкка Сапар Исаковдун талапкерлигин сунуштап жатат. Ал жаш, креативдүү жетекчилерден куралган команда менен өкмөткө келип жатат. Алар маселелерди ыкчам тез чечишет деп ишенебиз", - деди Өмүркулов.