Көк бөрү: Кыргыз улакчылар АКШ курамасын 11:6 эсебинде жеңип алды. Эми финалда Казакстан курамасы менен ойнойт

Учурда Астана шаарындагы "Казанат" ат майданында көк бөрү боюнча өтүп жаткан Дүйнө чемпиондугунда Кыргыз улакчылары АКШ курамасын 11:6 эсебинде жеңип алды.

Оюндун башталышында Таштемир Замирбек уулу эсепти ачты. Эсеп 1:0.

3-мүнөт: Кыргыз курамасы эсепти 2:0 кылды;

5-мүнөт: Эсеп 3:0 Кыргыздар алдыда;

7-мүнөт: Карыпбек Эшиев эсепти 4:0 кылды;

10-мүнөт: Кыргыз улакчылар атаандаштарына мүмкүнчүлүк берди. Эсеп 4:1;

12-мүнөт: Жолдошбек Орозбаев муляжды алып атаандашынын чийинине таштады. Эсеп 5:1;

14-мүнөт: АКШнын улакчылары Кыргыздардан калбай муляжды чийинге таштоодо. Эсеп 5:2;

17-мүнөт: Урмат Раушан уулу эсепти 6:2 кылганга үлгүрдү;

19-мүнөт: Америкадан келген ковбойлор эсепти 6:3 кылды.

Оюндун биринчи бөлүгү аяктап, улакчылар тыныгууга кетишти.

24-мүнөт: Кыргыз улакчылар америкалыктардын коргоонусун алдап өтүп эсепти 7:4 кылды;

26-мүнөт: Анарбек Сейитбек уулу 8-голду жаратты. Эсеп 8:4;

29-мүнөт: АКШ курама командасы мүмкүнчүлүк менен пайдаланып эсепти 8:5 кылды;

32-мүнөт: Аскат Батырбек уулу атаандаштарын аралап өтүп эсепти 9:5 кылды;

36-мүнөт: Ковбойлор Кыргыз улакчыларына жооп кайтарып эсепти 9:6 кылды;

37-мүнөт эсеп 10:6. Кыргыз улакчылар алдыда келе жатат;

39-мүнөт: Нуржан Мелисбек уулу эсепти 11:6 кылды.

Оюн аяктады. Кыргыз курама командасы 5 турдун жыйынтыгында мыкты ойноп, бардык атаандаштарынын үстүнөн жеңишке жетти. Алар Монголия курамасын 4:0 эсебинде, Өзбекстан курамасын 11:2 эсебинде, Түркия курамасын 13:3 эсебинде жана Тажикстан курамасын 15:2 эсебинде жеңип алды.

Эми Кыргыз улакчылар 27-августта Казакстан курамасы менен финалда күч сынашат.