Талас. Куру-Бакайыр өзөнүндө экспедициялык казуулар жүргүзүлөт

Таласта 2-июнь күнү “Манас Ордо” комплекси менен Кыргыз-Түрк "Манас" университети биргеликте илимий экспедициялык иш жүргүзүшөт. Бул тууралуу Талас шаарындагы “Манас эпосу” музейинин директору Асанкул Жунушалиев билдирди. Маалыматка ылайык, экспедиция Талас – Куру-Бакайыр өзөнүндө өтөт. Эспедицияны тарых илимдеринин кандидаты, профессор Кубат Табалдиев жетектеп, анын курамын түрколог, котормочу Таалай Абдиев жана башкалар толукташат. Иш-чаранын максаты – аталган жайдагы казуу иштеринде табылган таш эстеликтерди чогултуп, “Манас эпосу” музейине өткөрүп берүү болуп саналат.