АКШда трансгендерлерге аскер кызматын өтөөгө тыюу салынды

АКШда трансгендерлерге (өздөрүн башка жыныстагы адам деп эсептегендер) аскер кызматын өтөөгө тыюу салынган буйрукка президент Дональд Трамп кол койду. Бул тууралуу бүгүн, 28-августта чет өлкөлүк басылмалар жазып чыгышты.

Маалыматка ылайык, буйрукта азыркы учурдагы трансгендер-аскер кызматкерлеринин тагдырын Коргоо министрлигинин кароосуна калтырды. Ошондой эле Трамп бул министрликке жынысты алмаштыруу операциясын каржылоого тыюу салды. Буйрук 2018-жылдын 23-мартында күчүнө кирет.

Мурдагы президент Барак Обама 2016-жылы трансгендерге аскер кызматын өтүүгө болбойт деген жобону алып салган.

"2016-жылы АКШ армиясындагы сексуалдык зомбулуктун саны 15 миңге жеткен. Бул боюнча аскерлер арасында жүргүзүлгөн жашыруун сурамжылоо жүргүзүлгөндө белгилүү болгон", - деп жазышат басылмалар.