Бүгүн Чолпон-Ата шаарында көк бөрү боюнча президенттин кубогунун 3-турдук оюндары өтөт

Бүгүн, 28-августта Ысык-Көлдүн Чолпон-Ата шаарында 26-31-август аралыгында өтүп жаткан көк бөрү боюнча Кыргыз өлкөсүнүн президентинин кубогунун 3-турдук оюндары өткөрүлөт.

Мелдештин 3-турунун алкагында "Мурас" - "Төш-Булак", "Арашан" - "Датка" жана "Достук" - "Илбирс" беттештери орун алат. Жалпы эсепте аталган мелдешке Кыргыз өлкөсүнүн аймактарынан 11 команда катышып жатат.

Чүчү кулактын жыйынтыгында командалар төмөнкүдөй жайгашышкан:

"А" тайпасында: "Мурас", "Ысык-Көл" жана "Төш-Булак" командалары.

"В" тайпасында: "Арашан", "Аафият" жана "Датка" командалары.

"С" тайпасында: "Достук", "Оро" жана "Илбирс" командалары.

"D" тайпасында: "Биримдик" жана "Көк-Жал" командалары.

3-турда боло турган оюндар:

"Мурас" - "Төш-Булак";

"Арашан" - "Датка";

"Достук" - "Илбирс".

1-турдун жыйынтыгы:

"Мурас" - "Ысык-Көл" 8:4

"Арашан - Аафият" 11:2

"Достук" - "Оро" 13:3

"Биримдик" - "Көк-Жал" 5:1

2-турдун жыйынтыгы:

"Ысык-Көл" - "Төш-Булак" 4:1

"Датка" - "Аафият" 4:0

"Оро" - "Илбирс" 11:1