Тайванда табышмактуу жандык адамдарды чочутту

Тайванда деңиз жээгинен табылган табышмактуу жандык ага күбө болгон адамдарды чочутту. Бул туурасында кечээ, 29-августта чет элдик маалымат каражаттары жарыялады.

Маалыматта белгилүү болгондой, тайвандык жашоочу деңиз жээгинде сейилдеп жүрүп, өсүмдүктүн тамырына окшогон, кара түстүү белгисиз нерсе кумдун үстүндө кыймылдап жатканын байкап видеого тартып алган. Кийинчерээк видеону интернеттеги социалдык түйүндөргө жүктөп "адамзатка бейтааныш жашоонун түрү" деген билдирүү калтырган. Бирок айрым интернет колдонуучулары тайвандыктарды таң калтырган табышмактуу жандык деңиздердин астында жашаган кадимки эле суу мите курту дешүүдө.