Супер-Инфо
super.kg видео
Бишкекте эгиз төрөп каза болгон 26 жаштагы келиндин денесин экспертизадан өткөрүүгө ата-энеси каршы болду
Бишкекте эгиз төрөп, каза болгон Мээрим Дайырбекованын денесин экспертизадан өткөрүүгө ата-энеси жана бир туугандары каршы болду. Бул тууралуу бүгүн, 1-сентябрда маркумдун бир тууган сиңдиси Сезим Дайырбекова SUPER.KG' порталына айтып берди.
"Эжемдин каза болушуна түздөн-түз дарыгерлердин күнөөсү бар. Бул боюнча атайын комиссия түзүлгөн. Бирок биз намаз окуп жүргөн эжебизди каза болгондон кийин денеси кесилип, кыйналуусун каалаган жокпуз. Кантсе да анын өмүрүн кайтарып алуу мүмкүн эмес. Ансыз да буга чейин төрөттөн да денеси кесилип кыйналды. Биздин экспертизага макул болбогонубуздан улам комиссия өздөрүнө ылайыктап эжемди "аз кандуулуктан жабыркап келген" деп жыйынтык чыгарышыптыр", - деп билдирди Сезим Дайырбекова.
Эгиз балдардын апасы каза болгондон кийин жүргүзүлгөн текшерүү учурунда жашыруун тартылган тасмада бейтап түн ичинде абалы оорлошуп, акушерге кайрылган. Бирок ал нөөмөттөгү дарыгерди чакырбай, бейтаптын абалы жөнүндө кабарлабай койгон. Эртеси таңкы саат 06:00 чамаларында келген дарыгерге да бейтаптын абалы туурасында айтышкан эмес. Тасмада жазылып калгандай врач 3 сааттан кийин гана маркумдун абалы жөнүндө билген.
Эске салсак, буга чейин маркумдун жакындары келиндин каза болушуна дарыгерлердин кайдыгер мамилеси себеп болгонун айтышкан.
Бишкекте эгиз төрөп каза болгон келиндин өлүмү жөнүндө
2
ilgeeri apalar, naristeler kaza bolup kalgan uchurlar kop ele bolgon birok al ubakta dym dym bolup el el bilbei kala berchu, antkeni al kezde azyrkyda mediya bolgon emes. azyr degen é& kylymdyn adamdary olboi bir jakshyna torogongo ukuktuu , antkeni meditcina onukkon zaman.