“Электр жана почта байланышы жөнүндө” мыйзамга өзгөртүү жана толуктоо кирди

22-майда президент Алмазбек Атамбаев “Электр жана почта байланышы жөнүндө” мыйзамга өзгөртүү жана толуктоо киргизүү тууралуу” мыйзамга кол койду. Мыйзам Жогорку Кеңеш тарабынан 18-апрелде кабыл алынган. Ал байланыш чөйрөсүндө экстремисттик ишмердик жасаган адамдын укукка каршы ишмердигине байланышкан кылмыштардын алдын алуу, бөгөт коюу жана анын бетин ачуу максатында кабыл алынган. Мыйзамга ылайык, байланыш чөйрөсүндө экстремисттик ишти жүзөгө ашырган юридикалык жана жеке жактардын жоопкерчилиги киргизилип, экстремисттик ишти жүзөгө ашырууга тыюу салынган.