Япониялык киши "Despacito" ырынын обонун калькулятордун коштоосунда жаңыртты

Япониялык киши айтылуу "Despacito" ырынын обонун эки калькулятордун жардамы менен жаңыртты. Видео автор тарабынан YouTube сайтындагы каналга 1-сентябрда жүктөлгөн.

Видеороликке жазылган комментарийлердин арасына автор "музыкалык аспаптарынын" Кытайда жасалганын, аларды интернет-дүкөндөн сатып алганын жазган. Аталган видео азыркыга чейин 400 миңден ашык көрүү топтогон. Чет өлкөлүк басылмалардын жазганына караганда, видеодо Азияда популярдуу болгон музыкалык калькуляторлор колдонулган. Анын бирөөсүнүн баасы 5 долларды (болжол менен 340 сом) түзүп, 20га жакын үндү чыгара алат.

Белгилей кетсек, августта "Despacito" ырынын клиби YouTube`дун тарыхындагы эң популярдуу клип аталып, рекорд койгон. Бүгүнкү күнгө чейин ал 3 жарым миллиарддан ашык жолу көрүлгөн.