Быйылкы жайда эң популярдуу болгон дүйнөлүк 10 клип аныкталды

Google компаниясынын аналитиктери 2017-жылдын жай мезгилинде YouTube сайтында популярдуу болгон алдынкы 10 клиптин тизмесин жарыялашты. Алар видеолордун 29-майдан 4-сентябрга чейин канча жолу көрүлгөнүнө карап рейтинг түзүшкөн.

Тизмеде биринчи орунда Луис Фонсинин "Despacito" ырынын клиби турат. Ал азыркыга чейин 3,6 миллиарддан ашык көрүү топтогон. Ал эми кийинки орунду 2,3 миллиарддан ашык жолу көрүлгөн Эд Ширандын "Shape of You" чыгармасынын клиби алган. Үчүнчү орунду "Felices los" ырына тартылган поп-ырчы Малуманын клиби (906 миллион көрүү менен) багындырган.

Калган 7 орун Уилли Уильям жана Жей Бальвиндин "Mi Gente", "Clean Bandit" тобунун "Rockabye", Жейсон Деруло жана Ника Минаждын "Swalla", Шакиранын "Chantaje", Крис Жедайдын "Ahora Dice", Wisin`дин "Escápate Conmigo" жана DJ Khaled, Жастин Бибер, Лил Уэйн, Chance the Rapper аттуу аткаруучулардын "I'm the One" ырынын клибине таандык.