Бишкек ШИИББи: "Өспүрүмдөрдүн жоголуп кетишине көбүнчө ата-энелер күнөөлүү"

Өспүрүмдөр дайынсыз жоголуп жатышына көбүнчө ата-энелер өздөрү күнөөлүү экендигин бүгүн, 24-майда маалымат жыйынында Бишкек ШИИББинин басма сөз катчысы Бакыт Сейитов билдирди. Айтымында, көпчүлүк учурларда ата-энелер шалаакы мамиле кылып, балдарын карабай коюшат. “Балдардын үйүнөн кетип калышынын дагы бир себеби үй-бүлөлүк шарттын жакшы эместиги. Ал эми кээ бир балдар ойноп жаткан жеринен жоголуп кетип жатышат”,- деди ал.