Валерий Кичин Орусиянын футбол боюнча улуттук лигасынын күйөрмандарынын тандоосу менен август айындагы үч мыкты футболчунун катарына кирди

Футбол боюнча Кыргыз улуттук курамынын жана орусиялык "Енисей" футбол клубунун оюнчусу Валерий Кичин Орусиянын футбол боюнча улуттук лигасынын күйөрмандарынын тандоосу менен август айындагы 3 мыкты футболчунун катарына кирди. Добуш берүү Орусиянын футбол боюнча улуттук лигасынын сайтында жүргөн.

Маалыматка караганда, күйөрмандардын пикири боюнча эң мыкты оюнчу деп "Енисейдин" чабуулчусу Андрей Козлов (32,3%) аталып, андан кийин эле тизмеде экинчи болуп Валерий Кичин (15,5%) жазылган. Тизмедеги үчтүктө аталган лиганын "Балтика" футбол клубунун оюнчусу Дмитрий Скопинцев (15,3%) орун алган.

Ал эми Орусиянын футбол боюнча улуттук лигасынын тандоосу боюнча август айынын мыкты оюнчулары деп "Енисейдин" чабуулчусу Андрей Козлов, "Шинник" командасынын оюнчусу Эльдар Низамутдинов, "Крыльев Советов" курамынын оюнчусу Сергей Корниленко табылган.