СУРАМЖЫЛОО: СИЗ 13 ТАЛАПКЕРДИН ИЧИНЕН КИМИСИ ПРЕЗИДЕНТ БОЛУШУН КААЛАЙСЫЗ?

10-сентябрь күнү БШК үгүт кампанияга старт берип, президенттикке талапкер болуп катталган 13 адам өз ара күрөшүн баштады. SUPER.KG порталы 15-октябрда өтүүчү президенттик шайлоого карата сурамжылоонун 3-айлампасын баштайт. Ал 11-сентябрдан 24-сентябрга чейин уланмакчы. Урматтуу окурман, добуш берүү үчүн шилтемени басыӊыз.

Маалымат үчүн: Биринчи жана экинчи айлампада добуш бергендер учурдагы сурамжылоонун 3-айлампасында да добуш бере алышат. Добуш берүү ар эки апта сайын жаңыланып турат. Биринчи жана экинчи айлампада берилген добуштардын саны 3-айлампага өткөндө кайрадан нөлдөн башталат.

Эскертүү! Сурамжылоого добуш берүү үчүн телефон номериңизди колдоносуз. Сизге 6 сандан турган СМС-код келет. Андан ары сиз 3 мүнөттүн ичинде добуш бере аласыз. Добуш берүү акысыз. Сурамжылоого Кыргыз өлкөсүндөгү "Мегаком", "Билайн", "О!" уюлдук операторлорунун абоненттери гана катыша алат.

Добуш берүүнүн эрежеси: Кыргыз Республикасынын 18 жашка толгон бардык жараны шайлоого укуктуу. 16-августтан 30-сентябрга чейин Кыргыз Республикасынын шайлоочулары өздөрүн шайлоочулардын жалпы тизмесинен жеке маалыматтарын текшерүүсү зарыл. Муну участкалык шайлоо комиссиясынан же БШКнын сайтына кирип текшерсе болот. Ошондой эле 16-августтан баштап, бардык шайлоо участкаларында милдеттүү түрдө шайлоочулардын тизмелери илинет, ал жерден карап, билсе да болот

Биометрикалык каттоодон өтүүгө үлгүрбөй калгандар жашаган жери боюнча Мамлекеттик каттоо кызматы органдарынын биометрикалык каттоо пункттарынан өтсө болот, андан кийин өздөрүнүн маалыматын добуш берүү участкасынан такташы зарыл.

Кыргыз өлкөсүнөн тышкары жерлерде жашаган КР жарандары 15-октябрда Кыргыз Республикасынын консулдук мекемелериндеги 37 шайлоо участкаларында добуш бере алышат. Бул үчүн чет мамлекеттердеги Кыргыз Республикасынын Консулдугуна каттоого туруш керек.