Окумуштуулар: "Адамдын уктап жатып түшүндө жыныстык катнашка баруусу - оору"

Британиялык Суррей университетинин окумуштуулары адамдын уктап жатып түшүндө жыныстык катнашка баруусун - оору деп табышты. Бул тууралуу чет элдик маалымат булактары жазды.

Адистердин айтымында, бул оору лунатизмден дагы коркунучтуурак. Уктап жатып түшүндө катнашка барууда адам андан ырахат алат. Ал учурда адамдын көзү жумулуу абалда тез кыймылдап, каректери чуркайт. Ошол эле учурда анын денеси кыймылсыз абалда болот. Демек, мээде "ырахаттуу кубулуш" жүрүп жатканы менен, дене мүчө ал нерселерге жооп бербестен булчуңдар жыйрылып жата берет. Мындай акылы менен жыныстык катнашта болуу - адамдын ден соолугу үчүн кооптуу.

Сомнологдордун (Сомнология - медицинанын жана нейробиологиянын бир бөлүгү. Сомнолог - түш көрүү, анын адамдын ден соолугуна тийгизген таасирин изилдөөчү окумуштуу) изилдөөсү боюнча бул оору менен жабыркагандар булчуңдары жазылбай турган абалда түшүндө көргөнүн аткара бергенден ден соолукка зыян келет. Мындай абалдан улам адамды аракечтикке бат берилүү, стресске кабылуу жана сексуалдык алсыздыкка алып келиши ыктымал. Эгер адамдын түшүндө мындай нерсе бат-баттан кайталанып жатса, анда жатар алдында уктатуучу дары ичип, булчуңдардын чыңалуусун жазуу керек дешет адистер.