Премьер-министр Жантөрө Сатыбалдиев Чолпон-Ата шаарынын муниципалдык ишканаларына атайын техникаларды берди

Бүгүн, 24-майда премьер-министр Жантөрө Сатыбалдиев Ысык-Көл облусуна болгон иш сапарында Азия өнүктүрүү банкынын “Ысык-Көл облусун туруктуу өнүктүрүү” долбоорунун алкагында Чолпон-Ата шаарынын муниципалдык ишканаларына атайын техникаларды берди. Бул тууралуу өкмөттүн басма сөз кызматы билдирди. Маалыматка ылайык, 127 миң 600 долларлык кран, 299 миң 800 долларлык таштанды чыгаруучу 2 унаа жана 1 миллион 200 миң сомдук таштанды салуучу 120 урналарды берди. Ошондой эле өкмөт башчы аталган долбоордун алкагында 120 миллиондон ашык каражатка Балыкчы, Каракол жана Чолпон-Ата шаарларында суу буруучу жана тазалоочу курулуштар тургузуларын билдирди.