ЖЫЛНААМА, 12-СЕНТЯБРЬ: Германияны бириктирген "2+4" келишимине кол коюлганына 27 жыл болду

Мындан 27 жыл мурун, 1990-жылы 12-сентябрда СССР, АКШ, Улуу Британия, Франция, Германия Демократиялык Республикасы жана Германия Федеративдик Республикасынын тышкы иштер министрлери Германиянын бириккендиги тууралуу келишимге кол коюшкан.

1990-жылдын май айынан сентябрга чейин аталган өлкөлөрдүн тышкы иштер министрлери бул келишимди түзүү боюнча сүйлөшүүлөрдү жүргүзүшүп, соңунда бир жыйынтыкка келишкен. Келишимге Москва шаарында кол коюлуп, ага катышкан өлкөлөрдүн тобуна байланыштуу "2+4" деп аталып калган. Ал 1991-жылдын 15-мартында күчүнө кирген.

2011-жылы ЮНЕСКО "2+4тү" адамзаттын маанилүү документтеринин катарына киргизген.

12-сентябрдын жылнаамасы.