Манас Саматов, коомдук ишмер: "Өлкөдө саясий муунду алмаштыруу механизми жок"

Бишкекте 12-сентябрда "Таза шайлоосуз таза коом жок" аттуу кыймыл түзүлүп, анын бет ачары өтүүдө.

Коомдук ишмер Манас Саматов: "Биздин коомдо муун алмашуунун механизми жок. Бийликти жаш муунга кантип өткөрүп берүү керек деген маселе. Эски көз караштан оолак, таза жаштар качан бийликке келет дегенде эки көзүм төрт. Бирок биз мунун үстүнөн иштебей жатабыз", - деп билдирди.

Келерки шайлоодо бийликке эл каалаган адам келиши үчүн жарандык коом активдүү иштеши керектигин баса белгиледи.

Иш-чарага белгилүү коомдук жана мамлекеттик ишмерлер, эксперттер катышууда.