Сингапурдун президенти болуп биринчи жолу аял шайланды

Сингапурдун жаңы президенти болуп 63 жаштагы Халима Якоб шайланды. Ал буга чейин парламенттин спикери болуп иштеген. Бул тууралуу бүгүн, 13-сентябрда чет элдик басылмалар жазып чыгышты.

Маалыматка караганда, жаңы президент Сингапурдун биринчи аял президенти, акыркы 47 жылдан бери биринчи болуп бул кызматты ээлеген малай коомунун өкүлү. Өткөн жылдын ноябрь айында кабыл алынган токтомго ылайык, шайлоого малайлар гана талапкер катары катыша алмак. Эреже боюнча президенттикке талапкерлер мамлекеттик кызматта тажрыйбасы бар же бюджети 371 миллион доллардан көп болгон компанияны жетектеген адам болушу керек эле. Бул критерийлерге Халима Якоб гана жооп берген.

Белгилей кетсек, буга чейин Сингапурдун президенти Тони Тан Кен Ям (2011-2017) болгон.