"Банд'Эрос" тобунун мурунку солисти Рада Змихновскаянын көз жумгандыгы маалымдалууда

"Банд'Эрос" тобунун мурунку солисти Рада Змихновская каза болду. Бул тууралуу орусиялык маалымат каражаттары жазууда.

Маалыматка ылайык, ырчынын өлүмү тууралуу кабарды анын жакындары тастыкташкан. Ырчы мындан бир нече күн мурун комага түшкөн. Мындай абалга ал Калифорниядагы курбусу менен жолукканы барган кезде туш болгон. Ырчынын өлүмү мээсине кан куюлуп кеткендигине байланыштуу деп болжолдонууда.

"Дарыгерлер анын өмүрүн сактап калууга аракет көрүшкөнү менен натыйжа чыккан эмес. Змихновская бүгүн, 14-сентябрда эртең менен жарык дүйнө менен кош айтышты" - деп жазылат маалыматта.

Рада Змихновская "Банд'Эрос" тобунун негиздөөчүлөрүнүн бири. Ырчы 2007-жылы кош бойлуулугуна байланыштуу долбоордон кеткен. 2005-жылы Москвада негизделген бул топтун "Коламбия Пикчерз не представляет" жана "Не зарекайся" аттуу ырлары хит болгон.