Супер-Инфо
super.kg видео
Шарттуу кесилген Садыр Жапаровдун тарапташтары абактан бошотулду
Биринчи Май райондук соттун өкүмү менен шарттуу кесилген Садыр Жапаровдун тарапташтары абактан бошотулду. Бул тууралуу бүгүн, 15-сентябрда SUPER.KG порталына Садыр Жапаровдун жактоочусу Шарабидин Токтосунов билдирди.
"Буга чейин шарттуу кесилген Адылбек Исаев, Рустам Жапаров, Жаңыбай Жеңишбеков, Шамшидин уулу Айдынбек, Байгазы Казиев, Улан Усупов абактан чыгышты. Алар шаардагы №1-СИЗОдо камалып жатышкан", - деп билдирди жактоочу.
Эске салсак, буга чейин 5-сентябрда Садыр Жапаровдун тарапташтарынын соттук отуруму өткөрүлүп, алардын айрымдарын Биринчи Май райондук соту 8 жылга эркинен ажыраткан.
Маалым болгондой, 25-мартта УКМКнын алдындагы Садыр Жапаровду колдоо митингинде жалпы 105 адам кармалып, Биринчи Май райондук ички иштер башкармалыгына жеткирилген. Алардын ичинен 64 адам 2 суткадан 5 суткага чейин убактылуу кармоочу жайга киргизилген. Ошондой эле 12 адамга административдик айып салынып, 2 адамга эскертүү берилген. Калгандары менен түшүндүрүү иш-чаралары жүргүзүлгөн. Мындан тышкары кармалгандардын 12сине "бейбаштык", "милиция кызматкерине кол көтөрүү", "бирөөнүн мүлкүн сындыруу" беренелеринин негизинде кылмыш иши козголгон
4
1 |
Карагылачы, мыкты инсандар бар, эл, жери учун куйуп жанган, кыргыздын эртенки келечегин ойлогон.
Эмне таза иштеп, элим жерим деп, койгойлорду чечуу учун аракет жасагандыгы учун камалыш керекби???????? Жоок! АШАнын да жооп беретурган куну келет, буюрса!