Бишкекте Чек ара кызматынын кесиптик күнү белгиленет

28-май күнү саат 10:00дө Бишкектеги Д.Асанов атындагы сейил бакта Чек ара кызматынын кесиптик күнү белгиленет. Иш-чара алгач мамлекеттик чек араны кайтаруу учурунда курман болгондорду эскерүү, алардын эстелигине гүлчамбар коюу менен башталат. Андан соң аскердик парад болуп, Мамлекеттик чек ара кызматында мыкты үлгү көрсөткөн кызматкерлерге медаль, төш белги жана башка сыйлыктар ыйгарылат. Майрамдык кече концерттик программа менен коштолот.