Парламент: Кыргыз-Өзбек чек арасы жөнүндө келишимди ратификациялоо маселеси жабык талкууланууда

Парламентте депутаттар Кыргыз-Өзбек чек арасы жөнүндө келишимди ратификациялоо маселесин жабык эшик артында талкуулап жатышат. Жыйында 7 маселе ачык талкууланып, чек ара маселеси боюнча кезек келгенде журналисттерди залдан чыгарышты.

Буга чейин бул маселени Жогорку Кеӊештин эл аралык иштер, коргоо жана коопсуздук комитети, Конституциялык мыйзамдар, мамлекеттик түзүлүш, сот-укук маселелери жана Жогорку Кеңештин Регламенти комитети, Агрардык саясат, суу ресурстары, экология жана региондук өнүгүү комитети караган.