Жабык имараттагы Азия оюндары: Тай боксчу Бекжан Мытысаев коло медалын жеңип алды

Түркмөнстандын Ашхабад шаарында 17-27-сентябрь аралыгында өтүп жаткан уруш түрлөрү боюнча жабык имараттагы V Азия оюндарында Кыргыз тай боксчусу Бекжан Мытысаев коло медалына татыды.

Кыргыз спортчу 67 килограммга чейинки салмак ченинде күч сынашкан. Алгачкы беттеште Бекжан Мытысаев Макао өлкөсүнүн спортчусуна туш келген. Анда Кыргыз спортчу 3 мүнөттүк беттештин жыйынтыгында жеңүүчү болуп жарым финалга өткөн. Жарым финалда Мытысаев түркмөнстандык Мустафа Сапармурадовго туш келип жеңилип калды. Бул жыйынтык менен Кыргыз спортчу Азия оюндарынын коло медалын жеңип, Кыргыз капчыгына 14-коло медалды алып келди.

Жалпы эсепте Кыргыздын пайдасына 21 медаль бар. Алардын ичинде 1 алтын, 6 күмүш жана 14 коло медаль. Жалпы медалдык эсепте Кыргыз өлкөсү 13-орунда жайгашууда.