Жабык имараттагы Азия оюндары: Жөө күлүк Арина Клещукова экинчи коло медалын жеңип алды

Түркмөнстандын Ашхабад шаарында 17-27-сентябрь аралыгында өтүп жаткан жеңил атлетика боюнча жабык имараттагы V Азия оюндарында Кыргыз жөө күлүгү Арина Клещукова экинчи коло медалын жеңип, Кыргыз өлкөсүнүн медалдар капчыгын толуктады.

Жарыш 800 метр аралыкта болуп Арина 2:14.10 убактысы ичинде марага жетип коло медалды тагынган.

Белгилүү болгондой, Арина Клещукова мындан эки күн мурун, 19-сентябрда өткөн 1500 метр аралыктагы жарышка чыгып 4:34.16 убактысын көрсөтүп коло медалга татыган.