Тажикстандын президенти Эмомали Рахмон Бишкекке келди

Тажикстандын президентин аэропорттон өкмөт башчы Жантөрө Сатыбалдиев тосуп алды

Президент Алмазбек Атамбаев Тажикстандын өлкө башчысы Эмомали Рахмонду "Ала-Арча" мамлекеттик резиденциясынан тосуп алды

"Ала-Арча" мамлекеттик резиденциясы. Тажикстандын президентин салтанатуу тосуп алуу

Эки мамлекеттин өлкө жетекчилери тааныштырылууда

Алмазбек Атамбаев менен Эмомали Рахмон алгач тар чөйрөдө сүйлөшүү жүргүздү

Бүгүн, 27-майда Кыргызстанга расмий иш сапары менен Тажикстандын президенти Эмомали Рахмон келди. Бул тууралуу өкмөттүн басма сөз кызматы билдирди. “Манас” Эл аралык аэропортунан тажик мамлекет башчысын премьер-министр Жантөрө Сатыбалдиев күтүп алды. Андан соң тажик президентин өлкө башчы Алмазбек Атамбаев "Ала-Арча" мамлекеттик резиденциясынан тосуп алды. Расмий иш сапарынын алкагында Эмомали Рахмон кыргыз тарап менен бир катар жолугушууларды өткөрөт. Учурда кыргыз-тажик өлкөлөрүнүн Координациялык кеңешинин 1-жыйынына катышууда.