Шымдын үстүнөн шым же дизайнерлерден дагы бир жаңылык

Моданын артынан түшкөндөр үчүн дизайнерлердин фантазиясы чексиз өңдөнөт. Коомчулуктан айырмаланып турууну каалагандар өзгөчө кийимдерди тандаары шексиз. Street style кийимдерин сүйүүчүлөрдө эми кош шым кийген өңдүү көрүнгөн шымдар мода боло баштады. Эки катталган сыяктуу же сыртынан чолок шым кийип алган өңдүү бул шым мода дүйнөсүндө пайда болгонуна көп убакыт өтпөгөнү менен аны тандагандардын саны көбөйүүдө.

Чет элдик маалымат булактары жазгандай, ал америкалык дизайнер Александр Вэнгге таандык. 2018-жылдын жаз-күз айлары үчүн өткөн мода жумалыгында ал жынсыдан тигилген чолок шымдын ичинен булгаары шымдын чыгып турганындай тигилген кийимдерин көргөзгөн.