Өзгөн, Майлуу-Суу, Токтогул, Балыкчы шаарлары миллиондогон евро менен долларга таза суу менен камсыздалмакчы

Бүгүн, 26-сентябрда Жогорку Кеңештин комитетинде Өзгөн, Майлуу-Суу, Токтогул, Балыкчы шаарларын таза суу менен камсыз кылууга багытталган мыйзам долбоорлору 3-окууда талкуусуз жактырылды.

Мыйзам долбоорунда жазылгандай, ратификациядагы насыялык макулдашууларда аталган шаарларды таза суу менен камсыздоого коротулган каражаттарды 15 жана 25 жылдык мөөнөттө төлөө белгиленген.

Макулдашуулардын негизинде, шаарларга төмөнкү көлөмдө насыялык жана гранттык каражаттар берилмекчи:

Өзгөн шаарына 8 миллион 500 миң евро жана 2 миллион 75 миң доллар,

Майлуу-Суу шаарына 6 миллион 65 миң евро жана 1 миллион 6 миң доллар,

Токтогул шаарына 5 миллион 3 миң евро жана 1 миллион доллар,

Балыкчыга 5 миллион евро жана 1 миллион доллар.