ЖЫЛНААМА, 27-СЕНТЯБРЬ: Дүйнө жүзүндөгү эң узун кыз аталган Элисани Сильва 22 жашка толду

Дүйнө жүзүндөгү эң узун кыз аталган Элисани Сильва 1995-жылы 27-сентябрда Бразилиянын Салинополис шаарында төрөлгөн. Элисани эч кандай дарттан жабыр тартпайт. Окуучу кезинен тартып боюнун узундугу менен айырмаланып турган Элисани классташтарынын шылдыңдоосунан жана мектепке ташыган унаа ал үчүн ыңгайсыз болгондуктан окууну таштап койгон.

Элисани Сильва ата-энеси жана сиңдиси менен жашайт. "Үйдө ары-бери кыймылдаган мага тоскоолдук жаратат, дайыма бир жерди сүзүп же бутумду уруп алам", - деген Элисани интервьюларынын биринде.

Дүйнөдөгү эң узун атка конгон Элисанин сиңдилеринин бою кадимки нормадан ашык эмес.

Элисани дүйнөнүн атактуу модели болууну самайт. Ал Франсинальдо-да-Сильва аттуу мырзанын сунушун кабыл алып, турмушка чыгууга макул экендигин билдирген. Өзүнүн сүйүүсүн дүйнөдөгү эң узун кызга арнаган мырзанын айтымында, сүйүү эч нерсеге карабайт жана сүйүктүүсүнүн бою ага эч кандай тоскоолдуктарды жаратпайт: "Мен Сильванын жанында бактылуумун, башкалардын ою тууралуу ойлонбойм деле", - деп жооп берген Франсинальдо.

Элисани Сильванын бою 2 метр 6 сантиметр.

27-сентябрдын жылнаамасы.