Супер-Инфо
super.kg видео
Тажикстанда үлпөт тойго 300дөн ашуун мейман келгени үчүн той ээлери менен кудалар айып пулга жыгылышты
Тажикстандын Улуттук китепканасынын мурдагы директору Сайфиддин Назарзода “Салт-санаа жана салтанаттарды жөнгө салуу” мыйзамын бузгандыгы үчүн 12 миң сомони (1350 доллар) айып пулга жыгылды. Бул тууралуу жергиликтүү басылмалар жазып чыгышты.
Маалыматка ылайык, Тажикстанда аткаминер биринчи жолу үйлөнүү үлпөт тартиптерин сактабагандыгы үчүн жазага тартылды. Райондук соттун чечими менен Сайфиддин Назарзоданын кудасы Тоджиддин Хабибуллоевге 5 миң сомони (560 доллар) айып пул салынды.
Коррупция менен күрөшүү жана каржы көзөмөлү агенттиги Сайфиддин Назарзода меймандардын саны 150дөн ашпашы керек деген чектөөгө карабастан уулунун үйлөнүү тоюна 300дөн ашык кишини чакырган деп эсептейт.
Сайфиддин Назарзода 21-сентябрдагы сот отуруму учурунда той келининин ата-энеси тарабынан уюштурулганын билдирген. Анын айтымында, үлпөткө күйөө бала тараптан 50 киши, кыз тараптан 70 киши чакырылган. Бул салтанаттан кийин Назарзода жумуштан алынган.
2
1 |