Мамлекеттик каттоо кызматынын башчысы Эрлан Сапарбаевдин 2012-жылдагы айлыгы 150133 миң сомду түзгөн

КРнын Мамлекеттик каттоо кызматынын башчысы Эрлан Сапарбаев 2012-жылы негизги иш ордунан 150 133 сом айлык алган. Бул маалымат мамлекеттик кызматкердин кирешеси жана мүлкү тууралуу берген декларациясында көрсөтүлгөн. Декларацияда ошондой эле Сапарбаевдин 1 үйү,  Mazda 626 жана  Mitsubishi Space Wagon үлгүсүндөгү унаалары бар экендиги белгиленген. 

Айта кетсек, Эрлан Сапарбаев аталган кызматка 2012-жылдын 25-сентябрында дайындалган.